Dhalte din mein, aur badhti shaam mein,
roz thoda chalti hun, do pal.. khud se mil leti hun.
Bhari bheed mein, aur goonjti ekaant mein,
roz thoda samajhti hun, do pal.. khud se mil leti hun.
Kahaaniyon mein, aur logon ke shabdon mein,
roz ek bahaana dhundti hun, do pal.. khud se mil leti hun.
Sapno mein, aur sabki sachhaiyon mein,
roz bhraman karti hun, do pal.. khud se mil leti hun.
Subah ki namaaz mein, aur baba ki aawaaz mein,
roz aman karti hun, do pal.. khud se mil leti hun.
Comentários